Аҳолининг озиқ-овқат хавфсизлигини таъминлаш

ТРАНСФОРМАЦИЯ 2030 > Аҳолининг озиқ-овқат хавфсизлигини таъминлаш

1-Устувор йўналиш:

Аҳолининг озиқ-овқат хавфсизлигини таъминлаш

СТРАТЕГИК МУАММОЛАР:

Аҳоли сонининг ўсиши, ер, сув ва энергия ресурсларига бўлган талабнинг ортиши, шунингдек, иқлимнинг кескин ўзгариши озиқ-овқат хавфсизлигини таъминлашга таъсир этувчи асосий омиллардир. Сўнгги йилларда мамлакатимизда озиқ-овқат хавфсизлигини мустаҳкамлаш бўйича бир қатор чоралар амалга оширилиши натижасида Ўзбекистон дунёда эгаллаган ўрнини мустаҳкамлашга эришди ва босқичма-босқич глобал рейтингларда ўз мавқеини яхшилаб олди. Ўзбекистон Республикаси 2018 йилда Глобал очлик индекси бўйича 119 мамлакат орасида 52-ўринни эгаллаб, 12,1 кўрсаткич билан «мўътадил» даражага эришди. Бироқ, аҳолининг ижтимоий ҳимояга муҳтож қатлами учун озиқ-овқат маҳсулотлари таъминоти барқарорлигига эришиш, кам даромадли оилаларнинг харид қобилиятини ошириш, маҳсулотлар нархи ва миқдори кескин ўзгаришининг олдини олиш ҳал этилиши зарур бўлган муаммолардан ҳисобланади.

СТРАТЕГИК МАҚСАДЛАР:

Мазкур yстувор йўналишнинг асосий мақсади – республиканинг барча аҳолиси озиқ-овқат хавфсизлигини таъминлашга қаратилган давлат сиёсатини ишлаб чиқиш ва уни самарали амалга оширишдан иборат. Устувор йўналиш аҳолини барқарор нархлардаги хавфсиз ва сифатли озиқ-овқат маҳсулотлари билан таъминлашга қаратилган.

СТРАТЕГИК АҲАМИЯТГА ЭГА БЎЛГАН ВАЗИФАЛАР,

қуйидаги мақсадларга эришиш учун мўлжалланган:

аҳолининг ижтимоий ҳимояга муҳтож қатламини озиқ-овқат билан таъминлаш механизмларини такомиллаштириш, шунингдек, қишлоқ хўжалиги маҳсулотлари ишлаб чикарувчиларини ижтимоий аҳамиятга эга бўлган объектлар билан интеграциялаш;

бошоқли дон етиштиришда давлат интервенцион харидлар тизимини жорий қилиш, қишлоқ хўжалиги ва озиқ-овқат маҳсулотлари нархларини давлат томонидан тартибга солиш механизмидан босқичма-босқич воз кечиш ҳамда бошоқли донни квота асосида бозор нархларида сотиб олиш механизмини жорий этиш;

соғлом истеъмол маданиятини тарғиб қилиш бўйича узоқ муддатли дастур ишлаб чиқиш;

халқаро даражада тан олинган услубиётлар ва илғор тажрибалар асосида озиқ-овқат хавфсизлигини баҳолаш тизимини жорий қилиш ҳамда доимий мониторинг қилиш;

ижтимоий аҳамиятга эга маҳсулот турларини ишлаб чиқишни интенсивлаштириш бўйича тармоқ дастурларини ишлаб чиқиш;

чорвачиликда маҳсулдорликни ошириш, балиқ ва парранда гўшти, шунингдек, сут ишлаб чиқаришни барқарор интенсивлаштиришга қаратилган тадқиқот ишларини олиб бориш.

АСОСИЙ КЎРСАТКИЧЛАР ВА ИНДИКАТОРЛАР

Бошоқли донни ўртача ҳосилдорлигини ошириш

Сигирларнинг ўртача сут маҳсулдорлигини ошириш

Умумий экин майдонлари таркибида озуқа экинлари майдонлари улуши

АМАЛГА ОШИРИШ БЎЙИЧА ЙЎЛ ХАРИТАСИ

Қисқа муддатли харакатлар

2020 йил 30 май

Қишлоқ хўжалиги вазирлиги, Соғлиқни сақлаш вазирлиги, Иқтисодиёт ва саноат вазирлиги, Ветеринария ва чорвачиликни ривожлантириш давлат қўмитаси

Озиқ-овқат ва маҳсулот хавфсизлиги тизимини халқаро стандартлар билан уйғунлаштириш мақсадида вазирлик ва идоралар фаолиятини мувофиқлаштириш вазифасини Ўзбекистон Республикаси Қишлоқ хўжалиги вазирлигига юклаш, озиқ-овқат хавфсизлиги соҳасида давлат бошқаруви тизимини институционал баҳолаш, вазирлик ва идораларнинг ушбу соҳадаги ўз ваколатларини амалга оширишини таъминлаш механизмларини ишлаб чиқиш.

2020 йил 1 октябрь

Қишлоқ хўжалиги вазирлиги, Молия вазирлиги, Иқтисодиёт ва саноат вазирлиги, манфаатдор вазирлик ва идоралар

Ғалллага давлат буюртмаси ҳажмларини босқичма-босқич камайтиришни назарда тутувчи бошоқли дон ички бозорида интервенционал харидлар тизимини жорий этиш.

2020 йил 1 декабрь

Қишлоқ хўжалиги вазирлиги, манфаатдор вазирлик ва идоралар

Аҳолининг ижтимоий ҳимояга муҳтож қатламларини озиқ-овқат билан таъминлаш механизмларини такомиллаштириш, шунингдек, қишлоқ хўжалиги ишлаб чиқарувчиларини ижтимоий объэктлар билан интеграциялаш.

2020 йил 30 декабрь ва кейинчалик доимий равишда

Қишлоқ хўжалиги вазирлиги, манфаатдор вазирлик ва идоралар

Халқаро даражада тан олинган методологиялар ва илғор тажрибалар асосида озиқ-овқат хавфсизлигини баҳолаш тизимини жорий қилиш ҳамда доимий мониторингини олиб бориш.

Ўрта ва узоқ муддатли харакатлар

Доимий равишда

Қишлоқ хўжалиги вазирлиги, манфаатдор вазирлик ва идоралар

Халқаро даражада тан олинган методологиялар ва илғор тажрибалар асосида озиқ-овқат хавфсизлигини баҳолаш тизимини жорий қилиш натижаларини доимий мониторингини олиб бориш.

2021 йил II чорак

Аҳолининг озиқ-овқат хавфсизлигини баҳолаш ҳамда қишлоқ ҳудудларини ривожлантириш бўйича давлат дастурлари ва тадбирларини ишлаб чиқиш мақсадида истеъмол ва даромадларни ўрганиш бўйича ижтимоий сўров ўтказиш.

2021 йил I чорак

Соғлиқни сақлаш вазирлиги, Қишлоқ хўжалиги вазирлиги

Соғлом истеъмол маданиятини тарғиб қилиш бўйича узоқ муддатли дастурларни ишлаб чиқиш.

2022 йил II чорак

Қишлоқ хўжалиги вазирлиги

Қишлоқ хўжалиги самарадорлигини оширишга ва ижтимоий аҳамиятга эга маҳсулот турларини ишлаб чиқаришни интенсивлаштиришга доир тармоқ дастурларини ишлаб чиқиш.

2022 йил IV чорак

Ветеринария ва чорвачиликни ривожлантириш давлат қўмитаси, Қишлоқ хўжалиги вазирлиги

Чорвачиликда маҳсулдорликни ошириш, балиқ ва парранда гўшти, шунингдек, сут ишлаб чиқаришни барқарор интенсивлаштиришга қаратилган тадқиқот ишларини олиб бориш.